ATINE WERKUDARA SING AYEM

[Gamelan Ladrang Wilujeng pelan, kelir padang. Kraton Ngastina. Prabu Duryudana lagi ngamuk-amuk mergo akeh musuhe.]

DURYUDANA: (serak) Aku iki Ratu! Tapi musuhku akeh! Pandawa musuhku! Pendito musuhku! Rakyatku dewe akeh sing gething aku! Piye carane ben aku disegani?!

KARNA: (tenang) Kulo dereng saged matur, Gusti...

[Gamelan sirep. Goro-goro. Ing Karang Kadempel, Semar, Gareng, Petruk, Bagong lagi jagongan.]

PETRUK: Lha terus piye Mbah? Aku ki bolo okeh lho. Followersku sewu. Ning atiku kok sepi wae yo Mbah? 

GATOT - eh, GARENG: Kuwi mergo kowe le golek bolo mung kanggo pengakuan, Truk. Dudu kanggo ketentreman.

BAGONG: Nek aku malah musuh okeh, Mbah! Tonggoku musuhi aku mergo utangku ra tak bayar-bayar! Hahaha!

SEMAR: (ngak, terus meneng, matane merem) Hush... Meneng kabeh cah....

Kowe-kowe ki podo sambat. Ono sing sambat bolo okeh atine sepi, ono sing sambat musuh okeh atine panas.

PETRUK: Lha solusine pripun, Mbah?

SEMAR: Rungokno ya Le... Jare simbahmu, Imam Ghazali...

Puncake sesrawungan sing apik kuwi, dudu mergo kowe nduwe bolo akeh, nanging mergo kowe nduwe ati sing ayem. Senajan diapik-apik bolo, senajan dielak-elak musuh, tetep podo ae.

GARENG: Tetep podo ae pripun, Mbah?

SEMAR: Yo ayem! Ora mabur nek dipuji, ora ambruk nek dicacat!

Lha carane piye?

Bolo dihormati, musuh disabari. Kabeh dianggep takdir soko Gusti Allah kanggo nguji atimu.

BAGONG: Ooo... dadi bolo ku sing nagih utang kae kudu tak hormati?

SEMAR: Hormati! Hormati tegese kowe ngakoni salahmu, kowe jujur. Dudu kowe umbar janji!

PETRUK: Lha musuhku sing maido daganganku kae tak sabari?

SEMAR: Sabari! Sabarmu kuwi ngilmu paling duwur. Musuhmu kuwi koco benggolo. Nggo ngilo elekmu dewe sing ora tau diomongke bolomu.

[Semar ngadeg, gamelan Ayak-ayakan lirih]

Dadi Le... Urip ning ndunyo iki ojo mung ngurusi omonge wong. Ono sing seneng, ono sing gething, kuwi wes lumrahe. Sing penting atimu...

Atimu ki ojo dadi pasar! Rame mergo akeh bolo, sepi mergo akeh musuh. Atimu kuwi dadio masjid! Ayem, jembar, sopo wae mlebu tetep ditompo kanthi apik.

PETRUK, GARENG, BAGONG: (bareng) NGGIH MBAH...!!!

[Gamelan ditabuh banter, Semar mesem, kelir padam]

Sekar pangkur 2